काँग्रेस सभापतिको मतगणनास्थलमा सीसीटीभी जडान, प्रहरीको पहरा

काठमाडौं । नेपाली काँग्रेसको नयाँ नेतृत्व चयनका लागि भएको मतदानको मतगणना केहीबेरमै सुरु हुने भएको छ । निर्वाचन कमिटीले राष्ट्रियसभा गृहस्थित मतगणनास्थलमा सीसीटीभी जडान गरेको छ भने सभापतिका सबै मतपेटिका एकीतृत गरेको छ । 

सभापतिको मतगणनाका लागि उम्मेदवारका प्रतिनिधिलाई मतगणनास्थलमा बोलाइएको छ भने प्रतिनिधिहरु सबै उपस्थित भएपछि मुचुल्का तयार गरेर गणना सुरु गरिनेछ । अहिले मतगणनास्थलमा सुरक्षा कडा बनाइएको छ भने मतपेटिकालाई प्रहरीले पहरा दिएको छ ।