अविरले वर्षाले काठमाडौंमा ३८२ घर डुबे, १३८ जनाको उद्धार

काठमाडौं । अविरल वर्षाका कारण काठमाडौंका तीन सय ८२ घर डुबानमा परेका छन् । एक सय ३८ जनालाई प्रहरीले उद्धार गरेको छ ।

गएरातिदेखि परेको वर्षाका कारण खोला किनारका बस्ती डुबानमा परेका हुन् । ती बस्तीका बासिन्दा जोखिममा परेपछि प्रहरीले उद्धार गरेर सुरक्षित स्थानमा लगेर राखेको हो ।

गए रातिदेखि परेको पानीले कुलेश्वर, कालिमाटी तरकारी बजार क्षेत्र, बल्खु, नेपालटार, शंखमुललगायत क्षेत्र डुबानमा परेको छ। महानगरीय प्रहरी कार्यालयकाका अनुसार बागमती नदी, विष्णुमती नदीलगायत नदीका किनारा क्षेत्रका बस्ती डुबानमा परेको र मानिसहरू उद्धार गरिएको बताए।

राति साढे २ बजेदेखि पानी बिहान ६ बजे सम्म पर्दा त्रिभुवन विमानस्थलमा १०५ मिलिमिटर वर्षा मापन भएको छ।