काठमाडौँमा भएको दुर्घटनामा चितवनका युवकको मृत्यु

काठमाडौँ । काठमाडौँको बसुन्धारामा स्कुटर दुर्घटनामा चितवनका एक युवकको मृत्यु भएको छ । 

महानगरीय ट्राफिक प्रहरी महाशाखाका अनुसार काठमाडौं महानगरपालिका–३ बसुन्धारमा बा ३४ प १७५२ नम्बरको स्कुटर बिजुलीको पोलमा ठोक्किएर दुर्घटना हँदा चितवन भरतपुर महानगरपालिका–२२ घर भई हाल काठमाडौँ मनमैजु बस्ने ३३ वर्षीय रोहन त्रिपाठीको मृत्यु भएको हो । दुर्घटनामा गम्भीर घाइते भएका उनको ग्रिनसिटी अस्पताल बसुन्धरामा उपचारको क्रममा मृत्यु भएको प्रहरीले जनाएको छ ।