काठमाडौं । इजरायलले १२ देखि १५ वर्ष उमेरका बालबालिकालाई कोरोनाभाइरस विरुद्धको खोप दिन सुरु गरेको स्वास्थ्य अधिकारीहरूले आइतबार बताएका छन् ।
सरकारले खोप प्राप्त गर्न योग्यताको उमेर दायरा विस्तार गर्न लिइएको बुधबारको निर्णय अनुसरण गर्दै इजरायली स्वास्थ्य मन्त्रालयले खोप अभियान थालेको हो ।
इजरायलमा खोप अभियान सन् २०२० को डिसेम्बर २० देखि शुरु गरिएको थियो । पहिलो चरणमा मेडिकल स्टाफ, ६५ बर्षभन्दा बढी उमेरका मानिस र दीर्घरोगीहरूलाई लक्षित गर्दै खोप लगाइएको थियो । त्यसबेलादेखि योग्यताको उमेर बिस्तारै कम गरिएको छ र १६ बर्ष माथिका व्यक्तिहरूलाई यस पहिले नै खोप लिन योग्य घोषणा गरिएको थियो ।
इजरायलमा शनिबारसम्ममा करीव ५४ लाख ६० हजार मानिसहरूले फाइजरको खोप लगाइसकेका छन् । यो सङ्ख्या कुल जनसंख्याको ५८.५ प्रतिशत हो ।
प्रतिक्रिया दिनुहोस
एजेन्सी
आइतबार, २३ जेठ २०७८, २१ : २३
लेखकबाट थप
सम्बन्धित समाचारहरु
गाजामा इजरायली हमला, ९० जनाको मृत्यु
नयाँ चुनाव र बन्धक फिर्ता गर्न माग गर्दै इजरायलमा सरकारविरोधी प्रदर्शन
इजरायलको युद्ध क्याबिनेटका मन्त्री गान्ट्जको राजीनामा
युद्धविराम गरे राजीनामा दिने इजरायली मन्त्रीहरूको धम्की
रफाहमा इजरायलको सैन्य कारबाहीलाई चीनले ‘गम्भीर चिन्ताको विषय’ भन्यो
उपराष्ट्रपति यादवसँग इजरायलका राजदूत गोल्डबर्गरको भेट