पानीको समस्या समाधान गर्न हजार किलोमिटर दुरीको जलरेखा बनाउदै चीन

काठमाडौं । पृथ्वीदेखी चन्द्रमासम्म विकासमा चमत्कार गरेको चीनले पानीको अभावको समस्या समाधान गर्न हजार किलोमिटर दुरीको जलरेखा निर्माण गरी अर्को चमत्कार गरेको छ ।

चीनले उत्तरी क्षेत्रको पानी अभाव समस्याको समाधान गर्नका लागि सन् २००२ देखि दक्षिणी जललाई उत्तरतिर लैजाने परियोजनाको काम थालेको थियो । उक्त परियोजना अनुसार, दक्षिणको प्रशस्त जलस्रोत साधनलाई राजधानी पैचिङ लगायतको उत्तरी क्षेत्रतिर पुर्याइने छ ।

उक्त परियोजनाले उत्तरी क्षेत्रका वासिन्दाको खानेपानी समस्याको समाधानका साथै आर्थिक तथा सामाजिक विकासलाई बढाउन ठूलो भूमिका निर्वाह गरेको चीनका राष्ट्राध्यक्ष सी चिन फिङको धारणा छ । राष्ट्राध्यक्ष सीले सो जलरेखाको निरिक्षण समेत गरेका छन्  ।

उक्त परियोजनाको निर्माण तथा व्यवस्थापन अवस्थाबारे जानकारी राष्ट्राध्यक्ष सीले लिएको चिनिया सञ्चार माध्यामहरुले जनाएका छन् । यो परियोजना निर्माणकै क्रममा रहेको छ ।