सबै कर्मचारीको समान तलब बढ्यो

काठमाडौं । कोरोना  (कोभिड–१९)  महामारीविरुद्ध लक्षित बजेटले राष्ट्रसेवक कर्मचारीको मनोबल  उठाउन  सबै  कर्मचारीको  समान  तलबमान  वृद्धि गरेको छ । 

अर्थमन्त्री विष्णु पौडेलले शनिबार प्रस्तुत गर्नुभएको बजेटमा  राष्ट्रसेवक  कर्मचारीको  मासिक  दुई  हजार  रुपियाँ  तलबमानमा  वृद्धि  गरेको  छ  ।  यसअघि  दिइँदै  आएको महँगी भत्तालाई कायमै राखिएको जनाइएको छ ।

दक्षिण  एसियाका  अन्य  मुलुकसँग  तादात्म्यता  कायम गर्न तलबमान सम्बन्धमा अध्ययन गरी सुझाव पेस गर्न विशेषज्ञ सम्मिलित पे–कमिसन गठन गर्नेसमेत बजेटमा उल्लेख छ । 

त्यस्तै सरकारले प्रादेशिक तहका अस्पतालसँगको सहकार्यमा निजामती अस्पतालको सेवा विस्तार गर्ने भएको छ । गोरखापत्रमा खबर छ ।