प्रचण्ड माधव समुह प्रति गोकुल बाँस्कोटाको कटाक्ष : ‘सूर्य पूर्वबाटै उदायो त किन हत्तु हैरान'

काठमाडौं । साविक नेकपा ओली समूहका नेता गोकुल बाँस्कोटाले सूर्य पूर्वबाटै उदाएको टिप्पणी गरेका छन् ।  सामाजिक संजाल ट्वीटरमा टवीट गर्दै बाँस्कोटाले प्रतिनिधि सभा पुनस्थापनाको माग गर्ने र पछि सदल चल्न नदिई बहिस्कार गर्ने भन्दै प्रचण्ड नेपाल पक्षप्रति कटाक्ष गरेका छन् ।

उनले लेखेका छन्–‘आफै पुनस्थापनाको माग गरे अनि बहिष्कार, त्यो  पनि सदन चल्न हुँदैन भनेर । सूर्य पूर्वबाटै उदायो त किन हत्तु हैरान बनाउदै दौड्या हुन ? अस्ति त अग्रगमन भो भनेर लड्डु बाँड्या थे । अब ए कता वा एकता जे चाहिया, सो पाइया छ। फेरि क्याउँक्याउँ ? सकिएन बा हे, कम्फरटेवल लौन,केही नयाँ चटक गर।’