गोकुल बास्कोटाको सुझाव : 'सरकारले संघीयता खारेज गर्नुपर्छ'

काठमाडौँ । नेकपा एमालेका नेता गोकुलप्रसाद बास्कोटाले प्रदेश संरचना र जिल्ला समन्वय समिति (जिसस) खारेज गर्न सुझाव दिएका छन् ।

सरकारले संविधान संशोधनको गृहकार्य गरिरहँदा नेता बास्कोटाले आज सामाजिक सञ्जाल फेसबुकमार्फत केन्द्र र पालिका राखेर बाँकी संरचना हटाउन उपयुक्त हुने उल्लेख गरेका छन् ।

उनले लेखेका छन्– ‘पहिला रास्वपा संघियता खारेज भन्थ्यो अब संविधान संशोधन गर्ने कि नाई ? गर्ने हो भने केन्द्र र पालिका मात्र होस् ।’

यस्तै, उनले राष्ट्रिय सभा १०५ सिटको बनाइ महिला तथा पुरुष ५०–५० प्रतिशत प्रतिनिधित्व गराउन र उपराष्ट्रपतिलाई राष्ट्रिय सभाको अध्यक्ष बनाउनु पर्ने सुझाव दिएका छन् ।

उनले प्रतिनिधि सभाको समानुपातिक सिट खारेज गरेर प्रत्यक्षमा महिला पुरुष ४०–६० प्रतिशत अनिवार्य बनाउनु पर्ने बताएका छन् ।

उनले भनेका छन्– ‘राष्ट्रियसभा १०५ सिट, पूरै समावेसी महिला पुरुष ५०–५० प्रतिशत, उपराष्ट्रपति नै सभाध्यक्ष हुने व्यवस्था होस् । प्रतिनिधिसभा समानुपातिक सिट खारेज, महिला पुरुष ४०–६० प्रतिशत प्रत्यक्ष । जिसस पर्दैन।’