बालेन सरकारको प्रतिबद्धतामाथि गोकुल बाँस्कोटाको टिप्पणी: ‘डेण्टिङ–पेण्टिङ नयाँवाद’

काठमाडौँ । एमाले नेता गोकुल बाँस्कोटाले ६ वटै दलको घोषणापत्र समेटेर बालेन शाह नेतृत्वको सरकारले ल्याएको ‘राष्ट्रिय प्रतिबद्धतापत्र’ माथि टिप्पणी गरेका छन् ।

बाँस्कोटाले सामाजिक सञ्जाल फेसबुकमार्फत बालेनको प्रतिबद्धता पढिएको उल्लेख गर्दै त्यसको विश्लेषण विभिन्न कोणबाट हुने बताएका छन् ।

उनले प्रतिबद्धतामा सबै दलका घोषणा पत्र समेटिएको जस्तो देखिएको र त्यसका जस–अपजस एउटै डालोमा हालिएको टिप्पणी गरेका छन् ।

उनले ‘समाजवादी, पूँजीवादी, नवउदारवादी हिसाबकिताब नै खतम’ भएको व्यङ्ग्य गर्दै ‘डेण्टिङ–पेण्टिङ नयाँवाद जिन्दावाद’ लेखेका छन् ।