सिरहामा अवैध भारतीय नोटसहित एकजना पक्राउ

सिराहा। सिराहामा मोटरसाइकलको डिकीमा लुकाइ भारतीय नोट अवैध रुपमा ल्याएको भन्दै प्रहरीले  एकजनालाई पक्राउ गरेको छ । २ हजार दरको ३ थान र ५ सय दरको ४ सय ८८ थान नोट गरी २ लाख ५० हजार भारतीय रुपैयाँको नोटसहित भारतको सहरसा ग्राम किसनपुर पञ्चायत-२ का ६० वर्षीय चतुरी यादवलाई आइतबार साँझ प्रहरीले पक्राउ गरेको हो ।

बीआर ०६ एएन ०३५७ नम्बरको मोटरसाइकललाई प्रहरी चौकी खिरौनाबाट खटिएको प्रहरी टोलीले जाँच गर्ने क्रममा मोटरसाइकलको डिकीमा लुकाइ राखेको भारतीय रुपैयाँको नोट फेला पारी उनलाई पक्राउ गरेको प्रहरीले जनाएको छ ।

बरामद भारतीय रुपैयाँसहित यादवलाई आवश्यक कारवाहीको लागि भन्सार कार्यालय सिरहा मार्डरमा बुझाइएको छ ।