सोलुखुम्बुमा टिप्पर दुर्घटना हुँदा ३ जनाको मृत्यु, १ घाईते

सोलुखुम्बु ।  टिप्पर दुर्घटना हुँदा सोलुखुम्बुमा ३ जनाको मृत्यु भएको छ । सोलुखोला दूधकोशी हाइड्रोपावरमा सामान ओसारपसार गर्ने टिप्पर आइतबार राति दुर्घटनामा परेको हो । घटनामा १ जना घाइते भएका छन् ।

आइतबार राती करिब साढे ११ बजे सोलुदूधकुण्ड नगरपालिका–११ बरडाँडा गिद्धेभीरमा  बा ४ ख ७९८० नम्बरको टिप्पर दुर्घटना भएको हो । दुर्घटनामा परि ज्यान गुमाउनेहरुमा ३३ बर्षिय चालक कमल मगर, हेटौडाका अन्दाजी २३ बर्षका रामकुमार मगर, सप्तरीका १९ बर्षिय कृष्ण चौधरी रहेका छन् । चालक मगरको ठेगाना खुलेको छैन् ।

घाइतेको जिल्ला अस्पतालमा उपचार भइरहेको जिल्ला प्रहरी कार्यालय सोलुखुम्बुले जनाएको छ । दुर्घटनामा टिप्पर चालक धादिङको थाक्रे गाउँपालिकाका कमल मगर, मकवानपुरको बागमती गाउँपालिकाका राजकुमार मगर र सप्तरीको सुरुङ्गा नगरपालिकाका कृष्णलाल चौधरीको मृत्यु भएको प्रहरीले जनाएको छ । मकवानपुरका  रमेश मगर घाइते भएका छन् ।