वैशाखमा चुनाव हुन्छ : शंकर पोखरेल

चितवन । नेकपा (ओली पक्ष) का नेता शंकर पोखरेलले संसद विघटन बदर नहुने र वैशाख १७ र २७ गते अवश्य चुनाव हुने जिकिर गरेका छन् । 

चितवनमा आज ओली पक्ष नेकपाको अगुवा कार्यकर्ता भेलामा बोल्दै पोखरेलले भने, ‘चुनाव हुन्छ हुन्छ, तर हामी सर्वोच्च अदालतले जे निर्णय गरे पनि त्यसलाई स्वीकार गर्छौं ।’ 

उनले प्रधानमन्त्री केपी ओलीमाथि लागेको अभियोगपत्र फिर्ता नभएर नै पार्टीमा संकट आएको बताए । नेता पोखरेलले भने, ‘अभियोगपत्र फिर्ता लिएर आउनुभयो भने प्रचण्ड नेकपाको अध्यक्ष अझै पनि हुनुहुन्छ, हामीले हटाएका छैनौँ ।’