कर्णालीमा ओली पक्षका तीन नेता आए प्रचण्ड–नेपाल क्याम्पमा, अब कर्णाली सरकार सुरक्षित

सुर्खेत । नेपाल कम्युनिष्ट पार्टी (नेकपा) कर्णालीका ओलीपक्षीय दुई मन्त्रीसहित तीन सांसद प्रचण्ड–नेपाल पक्षमा फर्किएका छन् । ओली पक्षका तीनजना प्रचण्ड–नेपाल पक्षमा लागेसँगै प्रदेश सरकार सुरक्षित भएको छ ।

प्रदेश सरकारका सामाजिक विकास मन्त्री दल रावल, उद्योग पर्यटन वन तथा वातावरण मन्त्री नन्दसिंह बुढा र प्रदेश विधायन समितिका पूर्वअध्यक्ष पदमबहादुर रोकाय प्रचण्ड–नेपाल पक्षमा  फर्किएको अर्थमन्त्री प्रकाश ज्वालाले जानकारी दिए ।  

अब कर्णाली प्रदेशसभामा नेकपाको ३३ सदस्यीय संसदीय दलमा ओली पक्षमा सभामुख राजबहादुर शाहीसहित ११ जना तथा प्रचण्ड–नेपाल पक्षमा २२ जना पुगेका छन् ।