प्रतिपक्ष काँग्रेस आज सडकमा ओर्लिदैं (कहाँ कुन नेता खटिदैछन् सूचिसहित)

सफल खबर संवाददाता

सोमबार, १३ पुस २०७७, ०९ : ५४
प्रतिपक्ष काँग्रेस आज सडकमा ओर्लिदैं (कहाँ कुन नेता खटिदैछन् सूचिसहित)

काठमाडौं । प्रधानमन्त्री केपी ओलीले हठात् असम्वैधानिक रुपमा संसद विघटन गरेपछि देशको माहोल आन्दोलनमय छ । नेकपाकै प्रचण्ड माधव नेपाल पक्षले भोलि १४ गते देशभर हजारौंको संख्यामा विरोध प्रर्दशन गर्ने तयारी गरिरहेको छ ।

यसको तयारीमा नेताहरु जुटिरहेका छन् । जसपाले हिजो काठमाडौं लगायतका स्थानमा प्रर्दशन गरेको थियो । यो दबाब काँग्रेसभित्र पनि छ । काँग्रेसको रामचन्दै पौडेल पक्ष प्रतिनधिीसभा पूर्नस्थापना हुनुपर्ने भन्दै प्रष्ट ओलीको कदमको विरोधमा छ । तर सभापति देउवा पनि आन्दोलनको पक्षमा आएपनि उनी कुनै न कुनै रुपमा निर्वाचनमा जान पाए कम्युनिष्ट विभाजनको लाभ लिन सकिन्छ की भन्ने मात्र दाउमा देखिएका छन् ।

आफुलाई लोकतन्त्रको खम्बा भन्दै आएको काँग्रेसले आफ्नो स्वार्थलाई ध्यान दिएर लोकतान्त्रिक मूल्य मान्यता, असम्वैधानिक कदमलाई स्वीकार गर्न नुहने जनमत बाक्लो छ । यही बीच काँग्रेसले आज ओलीको संसद विघटनको विरोधमा एकसाथ देशभर प्रर्दशन गर्न लागेको छ ।
१६५ वटै निर्वाचन क्षेत्रमा आज काँग्रेसले प्रदर्शन गर्न लागेको काँग्रेस प्रवक्ता विश्वप्रकाश शर्माले बताए । काँग्रेसले केन्द्रीय समिति बैठक स्थगित गरेर सरकार विरुद्ध विरोधको कार्यक्रम ल्याएको हो ।

कांग्रेसले हरेक संघीय निर्वाचन क्षेत्रमा विरोध ¥याली र सभा आयोजना गर्ने र ओलीको प्रतिगमनका विरुद्ध खबरदारी गर्ने जनाएको छ । काँग्रेसले आजको प्रर्दशनमा सबैभन्दा बढी काठमाडौंमा नै प्रर्दशन र सभा केन्द्रीत गर्न खोजेको छ । उपत्यकाका १५ स्थानमा विशाल प्रदर्शनपछि सम्बोधन कार्यक्रम रहने प्रवक्ता शर्माले वताए । धेरैजसो नेताहरुले आफ्नै निर्वाचन क्षेत्रमा संम्बोधन गर्दा केही नेताहरुले भने विभिन्न स्थान रोजेका छन् ।

शीर्ष नेताहरु सबैले आफ्नो निर्वाचन क्षेत्रमा संम्बोधन गर्ने कार्यक्रम रहेको पार्टी कार्यालयका मुख्यसचिव कृष्णप्रसाद पौडेलले जानकारी दिए । ‘सबै नेताहरुले आफ्नो आफ्नो निर्वाचन क्षेत्रमा जाने भन्ने निर्णय भएको हो । कार्यव्यस्तताले सभापति देउवा डडेलधुरा जान सक्नुभएन । उहाँले भक्तपुरमा संम्बोधन गर्दै हुनुहुन्छ । अन्य नेताहरु आफ्नै निर्वाचन क्षेत्रमा जानु भयो होला ।’ मुख्यसचिव पौडेलले सफलखबरसँग भने ।
 
कसले कहाँ गर्दैछन् सम्बोधन ?

सभापति शेरबहादुर देउवा – भक्तपुरको मध्यपुर थिमी
वरिष्ठ नेता रामचन्द्र पौडेल– तनहुँ
महामन्त्री डा. शशांक कोइराला– नवलपुर
पूर्व महामन्त्री प्रकाशमान सिंह –काठमाडौं, नयाँ बानेश्वर
प्रवक्ता विश्वप्रकाश शर्मा – काठमाडौं, कोटेश्वर
केन्द्रीय सदस्य नवीन्द्रराज जोशी – काठमाडौं, बसन्तपुर
केन्द्रीय सदस्य गगन थापा– नेपालगञ्ज
अन्य नेताहरुले आ आफनो निर्वाचन क्षेत्रमा पुगेर सम्बोधन गर्ने कार्यक्रम छ ।
 

प्रतिक्रिया दिनुहोस