सर्वोच्च अदालत र निर्वाचन आयोगलाई प्रचण्डको आग्रह : कुनै षड्यन्त्रलाई सफल हुन नदिइयोस्

काठमाडौं । नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले सर्वोच्च अदालत र निर्वाचन आयोगलाई कुनै षडयन्त्रलाई सफल हुन नदिन आग्रह गरेका छन् । उनले सर्वोच्चलाई संविधान र कानुन अनुसार फैसला गर्नुपर्ने बताए ।

पार्टी केन्द्रीय कमिटीको बैठकलाई सम्बोधन गर्दै प्रचण्डले भने, ‘सर्वोच्च अदालत होस् वा निर्वाचन आयोग, संविधानअनुसार फैसला होस् ।’ 

उनले आफूहरुलाई पूर्व पार्टीमा फर्काउने खेल भइरहेको र त्यो सफल नहुने दावी गरे । उनले भने, ‘हामीलाई पूर्व पार्टीमा फर्काउन खोजिँदैछ । तर हामीले बकाइदा नेकपा दर्ता गरेका हौं ।’