शीतलनिवासमा राष्ट्रपति र चिनियाँ राजदूतबीच रहस्यमय भेट

काठमाडौं । राष्ट्रपति विद्यादेवी भण्डारी र चिनियाँ राजदूत होउ यान्छीबीच मंगलबार साँझ भेटवार्ता भएको छ ।

साँझ ६ बजेतिर यान्छी राष्ट्रपति भेट्न शीतल निवास पुगेको स्रोतले जनाएको छ । भेटका क्रममा के छलफल भयो भन्नेबारे खुलिनसकेपनि भेटलाई अर्थपूर्ण रुपमा हेरिएको छ । सत्तारुढ नेकपामा विवाद बढ्दा यसअघि राजदूतको निकै सक्रियता हुने गरेको थिए । पछिल्लो समय भने उनी मौनजस्तै देखिएकी थिइन् ।

नेकपाभित्रको विवाद उग्र बन्दै प्रधानमन्त्री केपी शर्मा ओलीलाई आजै अर्को समूहले पार्टीबाट हटाउने निर्णय गरेको थियो । नेकपाभित्रको विवादमा यान्छीले चासो देखाउने गरेको टिप्पणी हुँदै आएको छ ।