प्रधानमन्त्री ओली प्रचण्ड भेट्न उनकै निवास खुमलटार जाँदै

सफल खबर संवाददाता

शनिबार, ०४ पुस २०७७, ०९ : २३
प्रधानमन्त्री ओली प्रचण्ड भेट्न उनकै निवास खुमलटार जाँदै

काठमाडौँ । प्रधानमन्त्री तथा नेकपा अध्यक्ष केपी शर्मा ओली पार्टीका कार्यकारी अध्यक्ष पुष्पकमल दाहाल (प्रचण्ड) लाई भेट्न उनकै निवास खुमलटार जाँदैछन्  ।

बालुवाटार श्रोतका नुसार प्रधानमन्त्री ओली  बिहान १० बजेपछि प्रचण्डसँगको भेटका लागि उनकै निवास खुमलटार जाने भएका छन् ।  प्रधानमन्त्री ओली आउने भएपछि खुमलटार क्षेत्रमा सुरक्षाकर्मी अलर्टमा राखिएको छ ।

पार्टीमा आन्तरिक विवाद चर्किरहेका बेला ओली दाहाललाई भेट्न खुमलटार जान लागेकोलाई अर्थपूर्ण रुपमा हेरिएको छ । शुक्रबार मात्रै दाहाल–नेपाल समूहले पेरिसडाँडामा प्रदेश एकका जिल्ला अध्यक्ष र सचिवहरुको भेला आयोजना गरेका थिए ।