प्रधानमन्त्री ओली अचानक किन पुगे राष्ट्रपति भेट्न शितल निवास ?

काठमाडौँ । केहीबेरअघि अचानक प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शितल निवास पुगेका छन् । उनी किन शितल निवास पुगे भन्ने विषय अन्यौल छ । यतिबेला प्रधानमन्त्री ओली र राष्ट्रपति भण्डारीबीच कुराकानी भइरहेको स्रोतको भनाइ छ । 

नेकपाभित्रको विवाद उत्कर्षमा पुगेको बेला प्रधानमन्त्री ओली र राष्ट्रपति भण्डारीबीच भएको भेटलाई अर्थपूर्ण रुपमा लिइएको छ । यसअघि हिजोको नेकपाको सचिवालय बैठकमा प्रधानमन्त्री ओली सहभागी भएनन् ।

ओली बैठकमा सहभागी नभएपछि अर्का अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षले प्रधानमन्त्री ओलीलाई तीन दिनको अल्टिमेटम दिएका थिए । यद्यपी मंसिर २० गते दिनको १ बजे सचिवालय बैठक बोलाइएको छ । मंसिर २० गते बस्ने भनिएको स्थायी समितिको बैठक २१ गतेलाई सारिएको छ । 

यसबीच प्रधानमन्त्री ओलीले आज अपरान्ह ४ बजे मन्त्रिपरिषद् बैठक बोलाएका छन्। प्रधानमन्त्री निवास बालुवाटरमा बस्ने मन्त्रिपरिषद् बैठक नियमित हो।