रामचन्द्र पौडेललाई तत्काल रिहाइ नगरे देशव्यापी प्रतिरोध गरिने

काठमाडौँ । वरिष्ठ नेता रामचन्द्र पौडेललाई तत्काल रिहाइ नगरे कांग्रेसले देशव्यापी प्रतिरोध गर्ने चेतावनी दिएको छ । प्रमुख प्रतिपक्षी नेपाली कांग्रेसका सभापति शेरबहादुर देउवाले  यस्तो चेतावनी दिएका हुन् । तनहुँ प्रशासनले बुधबार पुल उद्घाटन गर्न जाँदा पौडेललाई नियन्त्रणमा लिएको थियो। 

निषेधाज्ञा तोडेर पुल उद्घाटन गर्न गएको भन्दै प्रशासनले पौडेललाई नियन्त्रणमा लिएर जिल्ला प्रहरी कार्यालय तनहुँमा राखेको छ। सभापति देउवाले बुधबार अपरान्ह विज्ञप्ति निकालेर सरकारको प्रवृत्तिविरूद्ध देशव्यापी प्रतिरोध गरिने बताएका छन्।