काठमाडौं । नेपाल कम्युनिस्ट पार्टी (नेकपा) को सचिवालय बैठकमा प्रधानमन्त्री तथा पार्टी अध्यक्ष केपी शर्मा ओलीले आफ्नो प्रस्ताव पेश गरेका छन् ।
शनिबार प्रधानमन्त्री निवास बालुवाटारमा बसेको सचिवालय बैठकमा प्रधानमन्त्री ओलीले यसअघि कार्यकारी अध्यक्ष प्रचण्डले ल्याएको प्रस्तावलाई जवाफ दिनेगरी छुट्टै प्रस्ताव ल्याएका हुन् ।
प्रस्तावमा ओलीले आफ्नो प्रस्ताव सचिवालय बैठकमा प्रचण्डसहितका सबै सदस्यहरुलाई खाममा राखेर वितरण गरेका थिए ।
बैठकपछि प्रवक्ता नारायणकाजी श्रेष्ठले प्रतिवेदन खाममा राखेर दिइएको र त्यो अध्ययन गर्न बाँकी रहेको बताए । प्रचण्डले उठाएका सवालको जबाफ, सरकार र पार्टी सञ्चालनका साथै विविध विषय ओलीको प्रस्तावमा समेटिएको बताइएको छ ।
प्रवक्ता नारायणकाजी श्रेष्ठले अब दुबै प्रतिवेदनमाथि छलफल हुने जानकारी दिए । दुबै प्रतिवेदन अध्ययन गरेर आगामी मंसिर १६ गतेका लागि अर्को बैठक तय भएको र सो बैठक पार्टी कार्यालय धुम्बाराहीमा बस्ने उनको भनाइ छ ।
आजको बैठकमा ओली, प्रचण्डसहित सचिवालयका ४ नेताले आफ्नो धारणा राखेको बताइएको छ । उनीहरुले पार्टीभित्र विवाद देखिएपनि फुटिनहाल्ने धारणा राखेका थिए ।
प्रतिक्रिया दिनुहोस
सफल खबर संवाददाता
शनिबार, १३ मंसिर २०७७, १५ : ३५
लेखकबाट थप
सम्बन्धित समाचारहरु
एकीकृत समाजवादीले बोलायो सचिवालय बैठक
एमालेले बोलायो सचिवालय बैठक
नेकपा एसको सचिवालय बैठक सुरु
एमालेले बोलायो सचिवालय बैठक
जनमत पार्टीको सचिवालय बैठक जारी
एकीकृत समाजादीको सचिवालय बैठक सुरु