प्रचण्ड एक्लैको प्रस्ताव होइन : गौतम

काठमाडौं । नेकपाका उपाध्यक्ष वामदेव गौतमले शुक्रबारको सचिवालय बैठकमा अध्यक्ष पुष्पकमल दाहाल प्रचण्डले पेश गरेको प्रस्ताव एक्लैको नभएको बताएका छन् । 

उपाध्यक्ष गौतमले सो प्रस्ताव प्रचण्डसहित सचिवालयका ५ जना नेताको छलफल र सहमतिमा तयार भएको बताएका हुन् । गौतमले केपी ओलीलाई सच्याउनको लागि उक्त प्रस्ताव ल्याइएको बताए ।  प्रचण्डको प्रस्तावलाई केपी ओली निकटका नेताहरुले फिर्ता लिनुपर्ने भनेपछि उपाध्यक्ष बामदेव गौतमको यस्तो धारणा आएको हो । 

उहाँ (प्रधानमन्त्री ओली) सच्चिनुबाहेक नेकपासँग अर्को कुनै समाधान छैन’, गौतमको भनाइ छ । शुक्रबारको सुचिवालय बैठकमा अध्यक्ष प्रचण्डले १९ पेज लामो राजनीतिक प्रस्ताव पेश गरेका छन् ।