प्रधानमन्त्रीले रअका प्रमुखलाई भेट्नु आपत्तिजनक : नेता रावल

काठमाडौँ । सत्तारूढ नेकपा स्थायी कमिटी सदस्य भीम रावलले भारतीय गुप्तचर संस्था रअका प्रमुखसँग प्रधानमन्त्री केपी शर्मा ओलीले भेटघाट गरेको विषयलाई लिएर आपत्तिजनक भएको बताएका छन्। 

बिहीबार दिउँसो ट्वीट गर्दै रावलले उक्त भेट कूटनीतिक मर्यादाको विपरीत भएको भनी टिप्पणी गरेका छन् । ‘‘नेपालको संविधानद्वारा निर्देशित परराष्ट्र नीति, स्वाधीनता र स्वाभिमान तथा सरकारको नेतृत्व गरिरहेको नेकपाको विचार, नीति र घोषणाको विपरीत भारतीय गुप्तचर रअ प्रमुखसँग नेपालका प्रधानमन्त्रीको जसरी वार्ता भयो र जस्तो समय र तरिकाले भ्रमण गराइयो यो आपत्तिजनक  छ। कूटनीतिक मर्यादाविपरीत छ,’ रावलले ट्वीटमा लेखेका छन्।