काठमाडौं । नेपाल कम्युनिस्ट पार्टी नेकपाको सचिवालय बैठक चार घन्टा बसेर समापन भएको छ। सत्तारुढ नेकपाको सचिवालय बैठकमा मन्त्रिपरिषद् पुनर्गठनले प्रवेश पाएको प्रवक्ता नारायणकाजी श्रेष्ठले जानकारी दिए ।
पार्टी कार्यालय पेरिसडाडाँमा बसेको बैठकमा नेताहरुले यसबारे आआफ्नो धारणा राखेका हुन् । मन्त्रिपरिषद् पुनर्गठनको विषयमा विभिन्न कोणबाट छलफल भएको र भोलि (सोमबार) बस्ने बैठकमा पनि यस विषयमा छलफल हुने प्रवक्ता श्रेष्ठले बताए ।
प्रधानमन्त्री निवास बालुवाटारमा बस्दै आएको सचिवालय बैठक कार्यकारी अध्यक्ष पुष्पकमल दाहाल ‘प्रचण्ड’को अध्यक्षतामा पहिलोपटक पार्टी कार्यालय पेरिसडाँडामा बसेको हो। स्थायी कमिटीका निर्णयलाई कार्यान्वयन गर्न सचिवालय बैठक बसेको हो। ४ कार्यसूचीबारे छलफल भएको छ ।
चार कार्यसूची तय भएपनि पहिलो कार्यसूचीमा मात्र छलफल भएको श्रेष्ठले बताए । यस्तै संवैधानिक राजनीतिक नियुक्ति गर्न आधार तय गर्न कार्यसूची तय भएको छ। यसका साथै एकीकरणका बाँकी कामका विषयमा पनि कार्यसूची तय भएको छ । यस्तै संगठन र विभागका निर्णयबारे पनि कार्यसूची तय भएको प्रवक्ता श्रेष्ठ बताउँछन् ।
संवैधानिक पदमा रिक्त रहेका पदहरुका विषयमा समेत सचिवालय बैठकमा छलफल भएको छ । अहिले अख्तियारलगायत महत्वपूर्ण निकायमा ४२ पद रिक्त छन्। बैठक भोलि सोमबार पनि पेसिसडाँडामा नै दिउँसो १ बजे बस्नेछ।
प्रतिक्रिया दिनुहोस
सफल खबर संवाददाता
आइतबार, ०४ असोज २०७७, १५ : ३४
लेखकबाट थप
सम्बन्धित समाचारहरु
एकीकृत समाजवादीले बोलायो सचिवालय बैठक
एमालेले बोलायो सचिवालय बैठक
नेकपा एसको सचिवालय बैठक सुरु
एमालेले बोलायो सचिवालय बैठक
जनमत पार्टीको सचिवालय बैठक जारी
एकीकृत समाजादीको सचिवालय बैठक सुरु