मन्त्रिमण्डल पुनर्गठन हुँदैन, सबै मन्त्रीले आफ्ना मन्त्रालयको कमाण्ड लिएर चलाउनू : प्रधानमन्त्री ओली

काठमाडौँ । प्रधानमन्त्री केपी शर्मा ओलीले मन्त्रिमण्डल पुनर्गठन नहुने बताएका छन् । आजको मन्त्रिपरिषद्को बैठमा प्रधानमन्त्री ओलीले मन्त्रिमण्डल पुनर्गठनको विषयलाई बेकारको हल्ला भनेर टिप्पणी गरेका थिए ।

प्रधानमन्त्री ओलीले मन्त्रिमण्डल पुनर्गठनको हल्ला कहाँबाट आयो भन्दै आश्चर्य व्यक्त गरेका थिए । प्रधानमन्त्री ओलीले आफ्ना मन्त्रालयको कमाण्ड लिएर काम गर्न निर्देशन दिएका थिए । प्रधानमन्त्री ओलीको भनाइ उदृत गर्दै एक मन्त्रीलेृ भने, ‘मिडियाले आज एउटालाई मन्त्री बनाउँछ, भोलि अर्कोलाई । सबै मन्त्रीले आफ्ना मन्त्रालयको कमाण्ड लिएर चलाउनू, हल्लाको पछि नलाग्नू ।’

मन्त्रिपरिषद्को बैठकमा अर्थमन्त्री युवराज खतिवडाले  साँझसम्म राजीनामा दिने बताएका छन् । उनले सबैप्रति आभार प्रकट गरेका छन् । 

बिहीबारको नेकपा सचिवालय बैठकले राष्ट्रियसभाको एक रिक्त सदस्यमा नेता बामदेव गौतमलाई सिफारिस गर्ने निर्णय गरेको थियो, तर मन्त्रिपरिषद्मा यो विषयको प्रस्ताव कतैबाट आएन ।