चितवनमा कोरोना परिक्षण : ५ सय ५६ जनाको परिक्षणमा १ जना संक्रमित

चितवन । कोरोना कहर देशभरि सन्त्रास फैलाई रहदा चितवनमा एक, दुई दिन यता संक्रमणको संख्या घट्दै गएको छ । भरतपुर अस्पताल कोभिड १९ प्रयोगशालामा बुधबार गरिएको ५ सय ५६ जनाको परिक्षणमा एक जना संक्रमित फेला परेका छन् । अन्य ५ सय ५५ जना को रिपोर्ट निगेटिभ आएको प्रयोगशालाले जनाएको छ ।

अस्पतालका अनुसार संक्रमित हुनेमा भरतपुर ७ का ३३ वर्षिय पुरुष रहेका छन् । उनको स्वास्थ्य अवस्था सामान्य रहेका र उनलाई होम क्वारेन्टीनमा राखिएको छ । चितवनमा अहिले सम्म कोरोना संक्रमितको संख्या २ सय ८१ पुगेको छ । 

मेडिकल सिटीको रुपमा परिचय बनाउदैं गएको चितवनमा केही दिन यता चिकित्सक, स्वास्थ्यकर्मीनै धमाधम संक्रमित हुन थालेपछि सरकारी तथा निजि स्वास्थ्य संस्थाको सेवा प्रभावित बन्दै गएको छ । एक हप्ता यता कुल संक्रमित मध्ये आधा भन्दा १५ दिनमै संक्रमित बनेका छन् । संक्रमणको दर ह्वात्तै बढेसंगै अस्पतालका आइसोलसन कक्षहरु सबै भरिएका छन् ।