जीप दुर्घटनामा २ जनाको मृत्यु, ६ जना घाईते

पाल्पा ।  पाल्पाको गल्धामा जीप दुर्घटना हुँदा २ जनाको मृत्यु भएको छ। दुर्घटनामा अन्य ६ जना घाइते भएका छन् ।

निस्दी गाउँपालिकाको गल्धामा लु १ ज २८८७ नम्बरको जीप दुर्घटनामा हु्रँदा दुई जनाको मृत्यु भएको जिल्ला प्रहरी कार्यालय पाल्पाले जनाएको छ। दुर्घटनामा स्थानीय ६३ वर्षीय ठाकुरप्रसाद फाल र ३ महिने नाम नखुलेका बालकको घटनास्थलमै मृत्यु भएको छ ।

जीप सडकबाट सातसय मिटर तल खसेको प्रहरीले जनाएको छ । मंगलबार राति दुर्घटना भएको जीपमा १० जना सवार थिए। दुर्घटनापछि जीप चालक फरार भएका छन्।