कीर्तिपुरका डुबान प्रभावित ३१ परिवारलाई खरिपाटी होल्डिङ सेन्टरमा स्थानान्तरण

काठमाडौँ । लगातारको वर्षाका कारण प्रभावित बनेका कीर्तिपुरस्थित राधास्वामी क्षेत्रमा बसोबास गर्दै आएका सुकुमवासी परिवारलाई सुरक्षित स्थानमा सारिएको छ । जोखिम बढेपछि उनीहरूलाई भक्तपुरको परिपाटीस्थित होल्डिङ सेन्टरमा व्यवस्थापन गरिएको हो ।

कीर्तिपुरबाट ३१ परिवारका ८९ जनालाई खरिपाटी स्थानान्तरण गरिएको सम्बन्धित निकायले जनाएको छ । शनिबारदेखि आइतबार बिहानसम्मको अवधिमा प्रभावित व्यक्तिहरूलाई चरणबद्ध रूपमा स्थानान्तरण गरिएको हो ।

स्थानान्तरण गरिएकामध्ये केही परिवारलाई भक्तपुरकै बोडे क्षेत्रमा रहेको अस्थायी व्यवस्थापन स्थलमा समेत लगिएको छ ।

यसअघि सरकारले थापाथलीलगायत बागमती नदी किनार क्षेत्रमा रहेका अव्यवस्थित सुकुमवासी बस्ती हटाएको थियो । तर विस्थापित परिवारको दीर्घकालीन व्यवस्थापनको विषय भने अझै समाधान हुन सकेको छैन ।

सम्बन्धित निकायहरूले तत्कालीन अवस्थाका लागि अस्थायी आश्रयको व्यवस्था गरे पनि स्थायी पुनर्स्थापनाका विषयमा ठोस समाधान आवश्यक रहेको देखिएको छ ।