डोटीमा यात्रुवाहक बस दुर्घटना हुदा ३ जनाको मृत्यु, ३२ घाईते

डोटी । डोटीमा बस दुर्घटना हुदा ३ जनाको मृत्यु भएको छ । ३२ जना घाईते भएका छन् । जिल्ला प्रहरी कार्यालय डोटीका अनुसार जिल्लाको पूर्वीचौकी गाउँपालिका–१ फुलौटमा बस दुर्घटना भएको हो ।

कैलालीबाट अछामका लागि जाँदै गरेको ना ६ ख २५२९ नम्बरको बस दुर्घटनामा परेको हो । घाईते भएकाहरुलाई स्थानिय स्वास्थ्य संस्थामा उपचारका लागि लगिएको छ । मृतकको भने सनाखत हुन नसकेको प्रहरीले जनाएको छ । 

दुर्घटनामा स्थलमा अहिले नेपाली सेना, नेपाल प्रहरी तथा सशस्त्र प्रहरीको टोलीले घाइतेहरुको अहिले उद्धार गरिरहेको जिल्ला प्रहरी कार्यालय डोटीले जनाएको छ । बस सडकबाट ३० मिटर तल खसेको थियो । वर्षाका कारण सडक चिप्लो भएकाले गाडी दुर्घटना भएको हुनसक्ने प्रहरीको प्रारम्भिक अनुमान छ ।