सुनसरीमा प्रहरी र तस्कर बिच झडप, प्रहरीको गोली लागि एक तस्कर गम्भीर घाईते

सफल खबर संवाददाता

शनिबार, ०३ साउन २०७७, ११ : ३८
सुनसरीमा प्रहरी र तस्कर बिच झडप, प्रहरीको गोली लागि एक तस्कर गम्भीर घाईते

काठमाडौँ । सुनसरीको सिमावर्ती क्षेत्र हरिनगरमा सशस्त्र प्रहरी र तस्करहरुको समूहबिच दोहोरो झडप भएको छ । शुक्रबार राति भएको दोहोरो  झडपमा एक प्रहरी र एक तस्कर घाइते भएका छन् ।

Yeti Diistillery Tansen Cement box

भारतबाट सामान तस्करी गरि नेपाल भित्र्याउँदै गर्दा प्रहरीले रोकेपछि झडप भएको थियो ।  झडपमा परि तस्करहरुले हानेको ढुङ्गा लागेर सशस्त्र प्रहरी जवान जीवराज विशंखे घाइते भएका छन् ।

उता  प्रहरीको गोली लागेर एक तस्कर गम्भीर घाईते भएका छन् । पेटमा गोली लागेको उनको वीपी कोइराला स्वास्थ्य विज्ञान प्रतिष्ठानमा उपचार भइरहेको छ । तस्करीको सामान रोक्नासाथ तस्करहरुले ढुंगामुढा गरेका थिए । ढुंगामुढा रोक्न र स्थितीमा नियन्त्रणमा लिन प्रहरीले गोली चलाउनु परेको बताईएको छ । 

प्रतिक्रिया दिनुहोस