नेकपाको सचिवालय बैठक आज फेरी बस्दै

काठमाडौँ । सत्तारुढ नेपाल कम्युनिष्ट पार्टी (नेकपा)को सचिवालय बैठक आज (शनिबार) बस्दैछ । पार्टीभित्र देखिएको विवाद समाधानका लागि दिउँसो ३ बजे सचिवालय बैठक बस्ने भएको हो । 

पार्टीका अध्यक्ष तथा प्रधानमन्त्री ओलीले एकलौटी ढंगले चलेको, पार्टीको सहकार्य बिनै मनलाग्दो निर्णयहरु गरेर बदनाम गरेको भन्दै अधिकांश नेताहरुले पार्टीको अध्यक्ष तथा प्रधानमन्त्री दुवै पदबाट राजिनामा मागेका छन् । तर ओलीले कुनै पनि पद नछोड्ने अडान दोहो¥याउदैं गएपछि पार्टी भित्र आन्तरिक कलह चुलिएको छ । 

पार्टीको विवाद उत्कर्षमा पुगेपछि दुवै अध्यक्ष बिच बारम्बार छलफल भएपनि सहमती हुन सकेको छैन् । हिजो शुक्रबार प्रधानमन्त्री ओली र अध्यक्ष पुष्पकमल दाहाल ‘प्रचण्ड’बीच भएको छलफलमा यसअघि जारी स्थायी कमिटी बैठक स्थगित गरेर सचिवलाय बैठक बोलाउने सहमति भएको थियो ।

बिहीबार पनि प्रधानमन्त्री ओली, अध्यक्ष प्रचण्ड र वरिष्ठ नेता माधवकुमार नेपालबीच छलफल भएको थियो । आन्तरिक विवाद मिलाउन भन्दै कैयौं पटक शीर्ष नेताहरु छलफलमा जुटे पनि निष्कर्षमा पुग्न सकेका छैनन् ।