प्रधानमन्त्री ओलीद्वारा अमिताभ बच्चनको स्वास्थ्यलाभको कामना

काठमाडौँ । प्रधानमन्त्री केपी शर्मा ओलीले भारतका चर्चित अभिनेता अमिताभ बच्चन र उनको छोरा अभिषेक बच्चनलाई स्वास्थ्यलाभको कामना गरेका छन् । आइतवार अपराह्न सामाजिक सञ्जाल ट्वीटरमार्फत प्रधानमन्त्री ओलीले कोरोना संक्रमित दुवैलाई स्वास्थ्यलाभको कामना गरेका हुन् ।

‘भारतका महान अभिनेता अमिताभ बच्चन र उनको छोरा अभिनेता अभिषेक बच्चनलाई शीघ्र स्वास्थ्यलाभको कामना गर्दछु’ओलीले आफ्नो ट्वीटरमा लेखेका छन् । आइतवार बिहान अमिताभ र अभिषेक दुवैलाई कोरोना संक्रमण भएको समाचार बाहिरिएको थियो ।