रमेश लेखकलाई पक्राउ गरेपछि सुधन गुरुङले भने : 'आयो गोर्खाली'

काठमाडौं । पूर्व गृहमन्त्री रमेश लेखक पक्राउ परेपछि गृहमन्त्री सुधन गुरुङले सामाजिक सञ्जालमा 'आयो गोर्खाली' भनेर लेखेका छन्। 

शनिबार बिहान भक्तपुरबाट लेखकलाई प्रहरीले नियन्त्रणमा लिएलगत्तै गुरुङले सामाजिक सञ्जाल फेसबुकमार्फत यस्तो लेखेका हुन् । 

भदौ २३ र २४ गतेको आन्दोलनका क्रममा भएको मानवीय क्षतिको घटनामा तत्कालीन गृहमन्त्री लेखकमाथि 'फौजदारी हेलचेक्र्याइँ' को आरोप लागेको थियो। 

सोही घटनाको छानबिन गर्न गठित आयोगले कारबाहीको सिफारिस गरेपछि प्रहरीले लेखकलाई पक्राउ गरेको हो।
लेखकलाई पक्राउ अघि गुरुङले सुरक्षा अधिकारीहरुसँग लामो छलफल गरेका थिए ।