अमेरिकाबाट नेपाल फर्किन चाहने ५ सय बढी

काठमाडौं । कामकाज र भ्रमण सिलसिलामा अमेरिकामा फसेका र अन्य गरी ५ सयभन्दा बढी नेपालीले तत्काल स्वदेश फर्किने वातावरण मिलाइदिन आग्रह गर्दै वासिङ्टनस्थित नेपाली दूतावासमा निवेदन दिएका छन् । 

दूतावासको पहलमा एनआरएनए अमेरिकाले नेपाल फर्किनेको सूची तयार गरेलगत्तै उनीहरुले निवेदन दिएका हुन् । 

राजदूत अर्जुन कार्कीले बुधबार उनीहरुसँग एकघण्टा लामो भिडियो बैठक गरेका छन् । उनीहरुले अमेरिकामा आफूहरुलाई समस्या परेको भन्दै तत्काल नेपाल फर्किन चाहेको बताएको खबर कान्तिपुर दैनिकमा छापिएको छ ।