अलपत्र नागरिकलाई सुरक्षित रुपमा घरसम्म पुर्‍याइदिन सर्वोच्चले दियो सरकारलाई आदेश

काठमाडौँ । सर्वोच्च अदालतले अलपत्र नागरिकलाई सुरक्षित रुपमा घरसम्म पुर्‍याइदिन सरकारलाईअन्तरिम आदेश जारी गरेको छ ।

न्यायाधीशहरु आनन्दमोहन भट्टराई र सपना प्रधान मल्लको इजलासले सुरक्षाको उपाय अवलम्वन गर्दै अत्यन्त प्राथमिकताका साथ राजमार्गमा सवारी साधनको व्यवस्था गरी निशुल्क रुपमा गन्तव्यमा पुर्‍याउन आदेश दिएको हो ।

घरतर्फ हिँडेका उनीहरुलाई कुनै अवरोध नगर्न पनि सर्वोच्च आदेश दिएको छ ।