चट्याङबाट कसरी जोगिने ?

काठमाडौं । विद्युत्का पूर्ण सुचालक र अर्ध सुचालक वस्तु चट्याङका मुख्य आकर्षण हुन् । धातु, हरियो रूख पूर्ण सुचालक हुन् । मानिस भने अर्ध सुचालक हो ।

त्यसैले मानिस रूख, धातुका अग्ला टावर र घर जस्ता विद्युतीय सुचालकको नजिक नबस्न मौसमविद् मीनकुमार अर्यालको सुझाव छ । विद्युत् प्रवाह बन्द गर्नुपर्छ । गाडीमा सवार छन् भने गाडीभित्रै सुरक्षित हुन्छ ।

घरमा अर्थिङ अर्थात् लाइटनिङ रड राखेर सुरक्षित रहन सकिन्छ । सकभर त्यस्तो बेलामा घरबाहिर ननिस्कने र घर भित्रैका बिजुलीका सुचालक वस्तु बन्द गर्न महाशाखाले सुझाएको छ ।

अन्य सावधानीमा पहाडी भेगमा रहँदा सतर्क रहने, घर बाहिर भए दुई कुहिनाले टाउको छोपेर टुक्रुक्क बस्नुपर्छ । मानिसको टाउको र खुट्टाबाट चट्याङको बिजुली पार हुनेगर्छ । चट्याङ लागेमा तत्काल चिकित्सक बोलाएर उपचार गर्नुपर्छ ।  गोरखापत्रमा खबर छ ।