कोरोना नियन्त्रण तथा रोकथामका लागि यूएनडिपीद्धारा भरतपुर महानगरलाई स्वास्थ्य सामग्री सहयोग

भरतपुर । कोरोना भाइरस (कोभिड १९) नियन्त्रण तथा रोकथामका लागि भरतपुर महानगरपालिकालाई संयुक्त राष्ट्रसंघिय विकास (यूएनडिपी) ले आवश्यक विभिन्न स्वास्थ्य सामग्री सहयोग गरेको छ ।

विश्वभरि नै यसको रोकथाम तथा नियन्त्रणको लागि विभिन्न सतर्कता अपनाएपनि महामारीको रुपमा फैलिदै गइरहेको बेला आवश्यक स्वास्थ्य सामग्री अभाव भइरहेको बेला यूएनडिपीले महानगरलाइ सामग्री हस्तान्तरण गरेको हो ।  

सामग्रीहरुमा मास्क (सर्जिकल) २ हजार थान, ग्लोभ १ हजार ८ सय जोडी, सेनिटाइजर ४ थान, व्यक्तिगत सुरक्षा उपकरण (पीपीई) १५ थान, (कोविड १९) संग सम्बन्धित सुचना र जानकारी भएको फ्लेक्स ६ हजार थान, (यूएनडिपी) भरतपुर महानगरपालिका प्रतिनिधि अन्जना शर्मा अधिकारीले महानगरपालिका नगर प्रमुख रेनु दाहाललाई उक्त सामग्री हस्तान्तरण गर्नु भएको थियो ।

मेड नेपालका कार्यकारी निर्देशक मिनराज भण्डारीले सहजिकरण गर्नु भएको कार्यक्रममा  ‘विपद जोखिम न्युनीकरणको बुझाई गर्दै’ पुर्व जोखिम सुचित विकास योजना निमार्ण गर्न परियोजना महानगरको ७ वटा वडाहरुमा संचालन गरिरहेको पनि बताए । बिपद्को बेला सहकार्य तथा हातेमालोको लागी महानगरपालिका प्रमुख प्रशासकीय अधिकृत प्रेमराज जोशीले नगरको तर्फबाट संस्थाप्रति अभार प्रकट गर्नुभएको थियो ।