भारतको राजस्थानमा एकै परिवारको ८ जनामा कोरोनाको आक्रमण

एजेन्सी । भारतको राजस्थानमा एकै परिवारका आठजना कोरोना भाइरसबाट संक्रमित भएका छन्। राजस्थानको अलवरमा एकै परिवारका आठजनामा कोरोना भाइरसको संक्रमण पाइएको हो ।

प्रदेश स्वास्थ्य विभागका अनुसार हालै फिलिपिन्सबाट फर्केका उक्त परिवारका एक व्यक्तिमा सुरुमा कोरोना भाइरसको संक्रमण देखिएको थियो ।

त्यसपछि उनको सम्पर्कमा रहेका परिवारका अन्य सदस्यलाई पनि संक्रमण भएको हो । भारतमा अहिलेसम्म कोरोना भाइरसको संक्रमणका कारण ३२ जनाको मृत्यु भइसकेको छ । त्यस्तै १ हजार बढी संक्रमित भएका छन् ।  भारतमा कोरोनाको संक्रमण फैलन नदिन उच्च सतर्कता अपनाएइपनि दिन प्रति दिन संक्रमण बढ्दै गएको छ ।