प्रभु यशुले कोरोना भाइरसलाई ठीक गर्छन् भन्दै प्रचार गर्ने महिला पक्राउ

चितवन । चितवनमा प्रभु यशुले कोरोना भाइरसलाई ठीक गर्छन् भन्दै प्रचार गर्ने महिला पक्राउ परेकी छन् । कोरोना भाइरसबारे भ्रम फैलाएको आरोपमा प्रहरीले ती महिलालाई पक्राउ गरेको हो। 

चितवन जिल्ला प्रहरी कार्यालयका प्रवक्ता एकनारायण कोइरालाले माडी नगरपालिका–७ जगन्नाथपुरकी ३८ वर्षीया जानकी ढुंगानालाई पक्राउ गरिएको बताए । 

प्रभु यशुले कोरोना भाइरसलाई ठीक गर्छन् भन्दै गाउँमा पोस्टर, पम्पलेट वितरण गर्दै हिँडेको अवस्थामा पक्राउ गरिएको प्रहरीको भनाइ छ ।  प्रहरीले महिलाविरुद्ध मुलुकी अपराध संहिताअन्तर्गत जिल्ला अदालतमा अभद्र व्यवहारमा मुद्दा दर्ता गरेर अनुसन्धान अगाडि बढाएको छ। पक्राउ परेकी महिललाई जिल्ला प्रहरी कार्यालयको हिरासतमा राखिएको छ ।