काठमाडौं । प्रतिपक्षी काँग्रेसले कोरोना भाइरस (कोविड १९) को सामना सत्ता र प्रतिपक्ष नभनी राष्ट्रिय एकताका साथ गर्नुपर्ने बताएको छ । वरिष्ठ नेता रामचन्द्र पौडेलले एक सन्देश जारी गदै आमसहमती जुटाएर नागरिकका समस्या समाधान गर्न सरकारसँग आग्रह गरेका छन् ।
गत प्रतिनिधीसभा चुनावमार्फत निक्कै कमजोर अवस्थामा पुगेको काँग्रेसले अहिले राष्ट्रिय सहमतिको आवश्यकतातर्फ संकेत गदै राष्ट्रिय सहमतिको सरकार निर्माणमा जोड गर्न खोजेको छ । मुलुकमा आइपरेको समस्यासँग जुध्न सहमतिको सरकार बनाउने संसारमा प्रचलन रहेको स्मरण गर्दै काँग्रेस वरिष्ठ नेता पौडेलले सरकारको त्यसतर्फ ध्यानाकृष्ट गरेको हो ।
कोरोना भाइरस (कोभिड १९) ले विश्वव्यापी महामारीको रुप लिइरहेको बेला बिहीबार एक सन्देश जारी गर्दै नेता पौडेलले सरकारका निर्णय कार्यान्वयनका लागि पनि आमसहमति आवश्यक रहेकोमा जोड दिएका थिए । भूकम्पपछिको राष्ट्रिय संकटका बेला पनि राजनीतिक दलहरुका बीचमा सहमतिको प्रयास भएको थियो । त्यसपछि नै दलहरुका बीचमा सहमति बनेपछि संविधान निर्माण सम्भव भएको थियो । ‘सरकारलाई आग्रह गर्न चाहन्छु, यस्तो बेलामा आमसहमति जुटाएर नागरिकका समस्या समाधान गरिनुपर्छ ।
यस्तो बेलामा आम सहमति आवश्यक हुन्छ । जसका कारणले सरकारका निर्णय कार्यान्वयनमा समस्या नहोस्’, नेता पौडेलले सन्देशमा भनेका छन्, यस्तो बेलामा आवश्यक प¥यो भने सहमतिको सरकार पनि बनाउन सक्नुपर्छ । दुनियाँमा यस्तो प्रचलन पनि छ । मुलुक जोगाउनका लागि लकडाउनको समयमा घर घरमा बसेर चिन्तन गर्न आवश्यक रहेको भन्दै उनले विपन्न नेपालीका लागि तत्काल राहतको घोषणा गर्न सरकासँग माग गरे ।
सरकारबाट बाहिर रहेको काँग्रेस सरकारमा नपुग्दा अहिले निक्कै छटपटिएको छ । पार्टीभित्रको आन्तरिक किचलोका कारण पनि काँग्रेसको संगठन दिन प्रतिदिन कमजोर बन्दै गएको छ । यस्तो बेला सरकारमा पुग्ने उसको सम्भावना अझै अर्काे चुनावमा पनि कमजोर अवस्थामै देखिन्छ । यही बेलामा राष्ट्रिय सहमतिको सरकारतर्फ जोड गरेर काँग्रेसले सत्ता र प्रतिपक्ष नभनी राष्ट्रिय संकटको समाधान एकता कामय गरेरै गर्नुपर्नेमा जोड दिन थालेको छ ।
पौडेलले सन्देशमार्फत राष्ट्रिय सहमति, राष्ट्रिय एकता र आम सहमतिको कुरा उठाएर यसकै संकेत गरेको राजनीतिक विश्लेषकहरुले बताउन थालेका छन् । तर काँग्रेस सभापति शेरवहादुर देउवाको तफबाट भने यस्तो अभिब्यक्ती र सन्देश आईसकेको छैन ।
सत्तारुढ दल भित्रको पनि आन्तरिक किचलो, प्रधानमन्त्रीको अस्वस्थता र सरकारका मन्त्रीहरुको प्रभावकारी कामको संयोजन हुन नसक्दाको फाइदा उठाउदै काँग्रेसले यस्तो एजेण्डा उठाउन खोजेको रुपमा बुझुनु पर्ने विश्लेषकहरु बताउँछन् । तर देउवाले यस विषयमा मुख नखोलिसकेका कारण यो काँग्रेसको औपचारिक धारणा हो होइन भन्ने विषयमा अहिले केही खुलिसकेको छैन् ।
प्रतिक्रिया दिनुहोस
सफल खबर संवाददाता
शुक्रबार, १४ चैत्र २०७६, १० : १२
लेखकबाट थप
सम्बन्धित समाचारहरु
पशुपतिनाथ मन्दिरमा पुगेर राष्ट्रपतिद्वारा पूजा अर्चना
राष्ट्रपतिबाट टुँडिखेलमा महाशिवरात्रि बढाइँ अवलोकन
राष्ट्रपतिसँग राष्ट्रियसभाका अध्यक्षको शिष्टाचार भेट
राष्ट्रपति पौडेल बागलुङको पञ्चकोटमा
दिगो विकाससँग वन्यजन्तु संरक्षण प्रत्यक्ष रूपमा जोडिएको छ : राष्ट्रपति पौडेल
मुलुकमा उत्पादन र रोजगारी बढाएर आयात घटाउनुपर्छ : राष्ट्रपति पौडेल