ओली क्याबिनेटका तीन सदस्य पक्राउ

काठमाडौं । नेकपा एमालेका अध्यक्ष केपी ओली नेतृत्वको पछिल्लो मन्त्रीपरिषद्का तीन सदस्य पक्राउ परेका छन् ।

तत्कालिन अवस्थाको संसदको पहिलो दल कांग्रेससँग आलोपालो सरकारको नेतृत्व गर्नेगरी दोस्रो दल नेकपा एमालेका अध्यक्ष केपी ओलीको नेतृत्वमा गत भदौं २४ सम्म एमाले कांग्रेसको सरकार थियो । 

तर उक्त सरकार रहेकै बेला गत भदौं २३ र २४ मा जेनजी आन्दोलन भएपछि ओली नेतृत्वको सरकार विस्थापित हुन पुगेको थियो । प्रधानमन्त्री ओली सरकारी निवास बालुवाटारबाटै नेपाली सेनाको हेलिकप्टरमा भाग्ने अवस्था सिर्जना भएको थियो । 

उक्त समयमा ओलीको क्याबिनेटमा थिए गृहमन्त्री रमेश लेखक । उर्जामन्त्री थिए दीपक खड्का । अहिले तत्कालिन प्रधानमन्त्री केपी ओली, तत्कालिन गृहमन्त्री रमेश लेखक र तत्कालिन उर्जामन्त्री दीपक खड्का तीन जना पक्राउ परेका छन् । गत फागुन २१ को प्रतिनिधिसभा चुनावपछि झण्डै दुई तिहाई सिटसहित राष्टिय स्वतन्त्र पार्टीका बरिष्ठ नेता बालेन्द्र शाह (बालेन) नेतृत्वको सरकार गठन भएसँगै ओली, लेखक र खड्का पक्राउ परेका हुन् । 

ओली र लेखकलाई शनिबार बिहान पक्राउ गरिएको हो भने खड्कालाई आइतबार बिहान पक्राउ गरिएको छ । ओली र लेखकलाई गत भदौं २३ र २४ को घटना जाँचबुझ गर्न गठन गरिएको जाँचबुझ आयोगको सिफारिसका आधारमा अनुसन्धान गर्न प्रहरीले पक्राउ गरेको थियो । 

उनीहरु दुवै जनालाई आज अदालतमा उपस्थित गराइदैछ । त्यसबेलाको ओली सरकारकै उर्जामन्त्री खड्कालाई भने सम्पक्ति सुद्दिकरणको मुद्दामा अनुसनधान गर्न प्रहरीले आज बिहान पक्राउ गरिएको हो । ओली नेतृत्वको सरकारका बेला उनले ओलीसँग मिलेर तत्कालिन नेपाल विधुत प्राधिकरणका कार्यकारी निर्देशक (हालका उज्यालो पार्टीका अध्यक्ष) कुलमान घिसिङलाई हटाउन भूमिका खेलेको आरोप लागेको थियो ।

त्यक्ति मात्रै होइन, उनको जेनजी आन्दोलनका बेला भदौं २४ मा उनको निवास पनि जलेको थियो । त्यसबेला उनको घरबाट नेपाली र विदेशी रकम समेत जलेको भिडियो भाइरल भएको थियो । त्यसपछि उनी केही समय भारत समेत बसेर आएका थिए ।