कोरोना भाइरसको संक्रमणबाट पाकिस्तानमा ८ को मृत्यु, १ हजार बढी संक्रमित

एजेन्सी । पाकिस्तानमा कोरोना भाइरसका कारण संक्रमणका कारण ८ जनाको मृत्यु भएको छ । भने संक्रमित व्यक्तिहरूको संख्या १ हजार ७८ पुगेको छ ।  

पाकिस्तानको सिन्ध प्रान्त कोरोनाले सबैभन्दा बढी प्रभावित छ। यस प्रान्तमा ४ सय १३ मानिस संक्रमित छन् भने पंजाबमा ३ सय २३, खैबर पख्तूनख्वामा १ सय २१, बलुचिस्तानमा १ सय १९, बाल्टिस्तानमा ८१ र राजधानी इस्लामाबादमा २० जना संक्रमित छन्।

यस्तै पाकिस्तान प्रशासित काश्मिरमा एकजनामा मात्र संक्रमित भएका छन् ।  यसै गरि मृत्यु हुनेहरुमा खैबर पख्तूनख्वामा तीन, पंजाबमा दुई र सिन्ध, बलूचिस्तान र गिलगित बाल्टिस्तानमा एक÷एक जनाको मृत्यु भएको छ। संक्रमित भएर समयमै उपचार गराएका २० जना निको पनि भएका अन्तर्राष्ट्रिय संचारमाध्यमले जनाएका छन् ।