गोरखा । पृथ्वीराजमार्ग अन्तर्गत तनहुँको आँबुखैरेनीस्थित बस दुर्घटना हुँदा तीन जनाको मृत्यु भएको छ । अन्य १० जना घाइते भएका छन् ।
पोखराबाट नेपालगञ्जतर्फ जान आउँदै गरेको ना५ख ४२९४ नम्बरको बस आइतबार साँझ सडकबाट करिब एक सय मिटर मर्स्याड्दी नदीमा खस्दा उनीहरुको मृत्यु भएको प्रहरीले जानकारी दिएको छ ।
प्रहरीका अनुसार तीन जनाको शव भेटिएको छ । मृतकको सनाखत भएको छैन भने उद्धार कार्य जारी छ । १२ जना घाइतेको उद्धार गरि नजिकैको स्थानिय अस्पतालमा उपचारको लागि पठाईएको छ ।
बसमा के कति संख्यामा यात्रु सवार थिए भन्ने एकिन नभएको र घटनाको थप विवरण आउन बाँकी रहेको प्रहरीले जनाएको छ ।
दुर्घटनामा परेको बस नदीमा नै रहेको, कतिपय घाइते बसले च्यापिएको र कोही ढुंगाले च्यापिएकाले घाइते संख्या यकिन गर्न नसकिएको उनले बताए । घाइतेहरुलाई थप उपचारका लागि भरतपुरतर्फ पठाइएको छ । दुर्घटना के कति कारणले भएको हो भने खुल्न सकेको छैन् ।
प्रतिक्रिया दिनुहोस
सम्बन्धित समाचारहरु
गुल्मीमा मोटरसाइकल दुर्घटना, एकजनाको मृत्यु, एक घाइते
झापामा मोटरसाइकल दुर्घटना हुँदा एक युवकको मृत्यु, अर्का घाइते
काभ्रेको भुम्लुमा सुमो दुर्घटना, १० घाइते
झापामा मोटरसाइकल दुर्घटना, तीन जनाको मृत्यु
अभ्यासका क्रममा मलेसियन आर्मीका दुई हेलिकप्टर ठोक्किए, १० जनाको मृत्यु
ट्रयाक्टर दुर्घटनामा एकको मृत्यु, चार जना घाइते