काठमाडौं । प्रमुख प्रतिपक्ष दल नेपाली कांग्रेसमा किचलो फेरि बढेको छ । वरिष्ठ नेता रामचन्द्र पौडेल पक्षका नवलपरासी पश्चिमका कार्यवाहक सभापति अर्जुन पोखरेललाई सभापति देउवाले जिम्मेवारी मुक्त गरेपछि पौडेल पक्ष थप चिढिएको हो ।
पोखरेल पौडेल पक्षका नेता हुन् । अझ उनी महामन्त्री डा शसांक कोइराला निकट नेता थिए । देउवाले उनलाई मंगलबार पदबाट हटाई उनको स्थानमा विष्णु पौडेललाई जिम्मेवारी तोकेपछि कांग्रेसमा रडाको मच्चिएको छ ।
पार्टी सभापतिले पछिल्ला दिनमा आगामी महाधिवशेनलाई प्रभावित पार्ने र समय घर्केपछि विभाग गठन गर्ने, केन्द्रीय सदस्य मनोनित गर्ने सम्मको काम गरेको भन्दै पौडेल पक्ष असन्तुष्ट बन्दै आइरहेको थियो ।
यही बीचमा जिल्ला सभापति नै आफू पक्षका लाई ल्याउनका लागि अर्काे पक्षका नेतालाई हटाउने काम समेत देउवाले गर्न थालेको भन्दै पौडेल पक्ष आक्रोशित बनेको हो ।
नवलपरासी पश्चिमका कार्यवाहक सभापति रहेका आफू पक्षका नेतालाई देउवाले हटाएपछि पौडेल पक्षले आन्तरिक छलफलका लागि निकट नेताहरुको बैठक बोलाएको छ । उनले पार्टी कार्यालय सानेपामै आज बैठक बोलाएका हुन् ।
प्रतिक्रिया दिनुहोस
सम्बन्धित समाचारहरु
काँग्रेसलाई पूर्ण बहुमत आउने गरी अभियान थाल्न पूर्वकर्मचारीलाई देउवाको निर्देशन
रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : प्रदीप पौडेल
एमालेलाई देउवाको प्रश्न : मदन भण्डारीको हत्यारा पत्ता लगाउन काँग्रेसले रोक्या छ ?
देउवाले बोलाए शीर्ष नेताहरूको बैठक
कांग्रेस सहकारी पिडितको पक्षमा दृढतापूर्वक उभिन्छ, सरकार गैरजिम्मेवार भयो : देउवा
पहिचानको मुद्दालाई कांग्रेसले सम्हालेर अगाडि बढाउँछ : महामन्त्री थापा