चितवन । भरतपुर महानगरपालिका प्रमुख रेनु दाहालले छुट्टै विशेषता बोकेको रमणीय ठाउँ चौकिडाँडा हिल स्टेशनको रुपमा विकास हुने बताउनु भएको छ ।
आज सोमबार पात्लेवास चौकिडाँडा सडक ट्रयाकको उद्घाटन गर्दै प्रमुख दाहालले यस्तो बतउनु भएको हो । उहाँले यस सडकले चौकिडाँडा आवागमनमा सहजता ल्याउने बताउनुभयो । यो सडक महानगरको मतहातमा ल्यायर आगामी वर्षमा नगर स्तरीय बजेटबाट थप काम अगाडि बढाइने उहाँले बताउनु भयो ।
यस सडक निर्माणमा देखिएको उत्साहजनक जनसहभागिताले आफूलाई उत्साहित पारेको बताउँदै उहाँले महानगरपालिकाको २० लाख र स्थानीय जनसहभागिता ३१ लाख गरी कुल ५१ लाख रुपैयाँको लागतमा काम सम्पन्न भएकोमा खुसी व्यक्त गर्नुभयो । उहाँले यस बाटो निर्माणले यस क्षेत्रको विकासमा कोसे ढुङ्गा हुने बताउनु भयो ।
प्रमुख दाहालले महानगर, प्रदेश र संघ सरकारको लगानीमा सडक पूर्वाधार, खानेपानी, एतिहासिक चौकी गढी संरक्षण, चौकिडाँडा भ्यू टावर आदी गरी करिव ८ करोड रुपैयाँ बराबरका आयोजनाहरु यसै आर्थिक वर्षमा काम भैरहेको बताउँदै चौकिडाँडा ढोडेनी पर्यटकीय विकासको महत्वपूर्ण स्थान बन्ने बताउनु भयो ।
अधिकांश भूभाग पहाडी क्षेत्र समेटिएको यस वडामा विकास चुनौतिपूर्ण रहेपनि महानगरपालिकाले यस वडालाई रणनैतिक ढंगले विकासका गतिविधिहरु सञ्चालन गर्ने बताउनुभयो । यस वडाको मुख्य समस्या शुद्ध पिउने पानी रहेकोमा चौकिडाँडा खानेपानी आयोजना र ढोडेनी खानेपानी आयोजना भैरहेको भन्दै उहाँले यसै आर्थिक वर्षमा यस क्षेत्रका बासिन्दाहरुले शद्ध पिउनेपानी पाउने बताउनु भयो ।
प्रमुख दाहालले विकास सबैको सहकार्यमा मात्र सम्भव हुने बताउँदै यस क्षेत्रमा पर्यटकीय पूर्वाधारहरु निर्माण गरी यसलाई मौलिक ढंगको पर्यटकीय केन्द्र निर्माणमा लगानी गर्न नीजि क्षेत्रलाई आग्रह गर्नुभयो । प्रमुख दाहालले वडाभित्र रहेका ऐलेनी सार्वजनिक जग्गाको खोजविन र संरक्षण गर्न वडा अध्यक्ष मानबहादुर रानालाई निर्देशन दिनुभयो ।
कार्यक्रममा वडा अध्यक्ष मनबहादुर राना, बाटो निर्माण समितिका संयोजक सुर्यबहादुर गुरुङ्गले बाटो निर्माणको आयव्यय सार्वजनिक गर्नु भएको थियो ।
राजमार्ग जुगेडीदेखि चौकीडाँडसम्म ७ किमी मध्य ४ किमी नयाँ ट्रयाक निर्माण गरिएको बाटो निर्माण समितिका सदस्य सुजन शर्माले बताउनुभयो । यस बाटो निर्माण सम्पन्न भएसँगै चोकीडाँडासम्म आइपुग्नका लागि १५ किमी छोटो भएको छ ।
प्रतिक्रिया दिनुहोस
सफल खबर संवाददाता
सोमबार, १९ फागुन २०७६, १८ : १८
लेखकबाट थप
सम्बन्धित समाचारहरु
भरतपुर भ्रमण वर्ष : राप्ती नदीमा छाडिए २० वटा घडियाल गोही
सर्वसाधारणको लागि खुला हुँदै दियालो बंगला, सञ्चालनको जिम्मा भरतपुर महानगरलाई
भरतपुर भ्रमण वर्ष सफल पार्न प्रमुख दाहालको आग्रह
मेयर रेनु दाहाल लन्डनमा ‘अन्तर्राष्ट्रिय मेयर अवार्ड’ थाप्दै
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
आगामी कार्यभार भरतपुरमा उद्यमशिलताको विकास : प्रमुख दाहाल