बुहारीपछि नातिनीले दिने भइन् प्रधानमन्त्रीलाई मिर्गौला

काठमाडौं । आफ्नो मिर्गौला प्रत्यारोपणका लागि प्रधानमन्त्री केपी शर्मा ओली सोमबार अस्पताल भर्ना हुँदैछन् । दोस्रो पटक मिर्गौला प्रत्यारोपण गर्न लागेको प्रधानमन्त्री ओलीलाई नातिनीले मिर्गौला दिने भएकी छिन् ।

त्रिभुवन विश्वविद्यालय शिक्षण अस्पतालमा ओलीको मिर्गौला प्रत्यारोपण हुनेछ । प्रधानमन्त्री ओलीका नजिकका आफन्ततर्फकी नातिनीको नाम गोप्य राखिएको छ । उनी पहिलेदेखि नै प्रधानमन्त्री ओलीको सान्निध्यमा रहेकी थिइन् । ओलीलाई मिर्गौला दिनका लागि धेरैले इच्छा जाहेर गरे पनि नातिनीसँग म्याच भएको हो ।

यसअघि पहिलो पटक मिर्गौला प्रत्यारोपण गर्दा बुहारी अन्जनासँग म्याच भएको थियो । ओलीको पहिलो मिर्गौला प्रत्यारोपण १३ वर्षअघि दिल्लीमा भएको थियो । दोस्रो प्रत्यारोपण भने देशभित्रै शिक्षण अस्पतालमा गर्ने चाहना प्रधानमन्त्रीले राखेका हुन् ।