बाँस्कोटा काण्डमा बोले प्रधानमन्त्री

काठमाडौं । प्रधानमन्त्री केपी शर्मा ओलीले भ्रष्टाचारको मामिलामा आफू शून्य सहनशील व्यक्ति भएको दोहोर्‍याएका छन । 

विहीबार नेपाल राष्ट्र बैंकका डेपुटी गभर्नर चिन्तामणि शिवाकोटीद्वारा लिखित मुलुक आर्थिक समृद्धिको यात्रामा नामको पुस्तक विमोचन गर्दै ओलीले यस्तो बताएका हुन् । 

सरकारका प्रवक्ता तथा सञ्चार तथा सूचना प्रविधि मन्त्री गोकुलप्रसाद बाँस्कोटाको भ्रष्टाचार प्रकरण सार्वजनिक भएपछि पहिलोपटक सार्वजनिक अभिव्यक्ति दिँदै ओलीले भन्नेमात्रै होइन, गरेरै देखाउने बताए ।

उनले स्वच्छता र पारदर्शिताको नाममा कसैको अनुहार नहेर्ने बताए । उनले यस अघि पनि यस्ता किसिमका अभिव्यक्ति दिँदै आएका थिए । उनले आफूलाई पद धराप पर्ने धम्कीसमेत आएको भन्दै तर आफू त्यसबाट विचलित नहुने बताए । 

यो पनि
सञ्चारमन्त्री बाँस्कोटाले दिए राजीनामा