काठमाडौँ । सभामुख अग्निप्रसाद सापकोटासँग नेपाल भ्रमणमा रहनुभएका नेपालका लागि चेक गणतन्त्रका गैरआवासीय राजदूत मिलान होभोरकाले आज शिष्टाचार भेट गर्नुभएको छ । सिंहदरबारस्थित सभामुखको कार्यकक्षमा भएको भेटमा राजदूत मिलानले सभामुखलाई बधाई ज्ञापन गर्दै सफल कार्यकालको शुभकामना व्यक्त गर्नुभएको थियो । भेटमा सभामुख सापकोटाले दुई देश दूरीका हिसाबले टाढा भए पनि मित्रताको हिसाबले नजीक भएको बताउनुभयो ।
विसं २०७२ को भूकम्पका बेला चेक सरकारले गरेको सहयोगको प्रशंसा गर्दै उहाँले यस्ता सहयोगले दुई देशबीचको सम्बन्धलाई थप गाढा बनाएको बताउनुभयो । “दुई देशबीच संसद्–संसद्, सरकार–सरकार र जनस्तरसम्म सम्बन्ध छ, यो असल मित्रताको उदाहरण हो”, सभामुख सापकोटाले भन्नुभयो ।
भेटमा राजदूत मिलानले सभामुख सापकोटालाई चेक गणतन्त्रको भ्रमणको निम्तो दिनुभएको छ । उहाँले चेक गणतन्त्रले नेपालमा खानेपानी, सरसफाइ, सौर्य ऊर्जालगायत क्षेत्रमा सहयोग गरिरहेको जानकारी दिँदै पर्यटन विकासका लागि पनि सहकार्य गर्ने विश्वास दिलाउनुभयो । राजदूत मिलानले दुई देशबीच आर्थिक सहयोगका लागि संरचना भए पनि सदुपयोग गर्न नसकिएको बताउँदै यो वर्ष त्यससम्बन्धी काम पनि अघि बढ्ने विश्वास व्यक्त गर्नुभएको सभामुखको सचिवालयले जनाएको छ ।
प्रतिक्रिया दिनुहोस
रासस
शुक्रबार, ०२ फागुन २०७६, २२ : ०७
लेखकबाट थप
सम्बन्धित समाचारहरु
सदन अवरुद्ध भए सरकारले जिम्मा लिनुपर्छ : काँग्रेस
सभामुखले बोलाएको बैठक विना निष्कर्ष टुंगियो
सभामुख र प्रधानमन्त्रीसहित शीर्ष नेताहरुबीच छलफल सुरु
सभामुखले बोलाए प्रधानमन्त्रीसहित ४ दलका शीर्ष नेताको बैठक
सभामुखले छलफल लागि बोलाए शीर्ष नेताहरु
प्रधानमन्त्री र मन्त्रीले समय माग्दा बोल्न दिने अभ्यास छ : सभामुख घिमिरे