प्रहरीमा ३० वर्षे सेवा अवधी हटाउने प्रयास असफल, आज नयाँ आईजिपि नियुक्त हुने

सफल खबर संवाददाता

मंगलबार, २८ माघ २०७६, ०९ : १६
प्रहरीमा ३० वर्षे सेवा अवधी हटाउने प्रयास असफल, आज नयाँ आईजिपि नियुक्त हुने

काठमाडौं । नेपाल प्रहरीभित्र ३० वर्षे सेवा अवधी हटाई पदावधी थप्ने प्रयासमा लागेका प्रहरीका हाकिमहरुको खेल सामाप्त भएको छ । अन्तिम सम्म सेवा अवधी हटाई आफनो पदावधी बढाउने प्रयासमा लागेका प्रहरी महानिरीक्षक सर्वेन्द्र खनाल देखि एआईजी पुष्कर कार्की, ठूले राई, धिरु बस्नेत लगायतको प्रयास विफल भएको छ ।

CG Hills

उनीहरुको प्रयास विफल भएसँगै आज बस्ने मन्त्रिपरिषद् वैठकले प्रहरीको नयाँ आईजिपि नियुक्त गर्ने छ ।

प्रहरी महानिरीक्षक (आईजिपि) खनाल, एआईजी कार्की, राई, बस्नेत सहित थप १८ जना डिआईजीहरुले आजवाट एकै साथ अबकास पाउदैछन् ।

उनीहरु ३० वर्षे सेवा अवधी पूरा गरी आजबाट अनिवार्य अबकाशमा जान लागेका हुन् । यो सेवा अधवी हटाई आफनो पदावधी थप गर्ने र सक्दा आफै प्रहरी आईजिपि वन्ने दौडमा खासगरी खनाल र कार्की निक्कै जोडतोडका साथ लागेका थिए ।

यही अन्यौलतका वीच सोमबारको मन्त्रिपरिषद् वैठकमा सेवा अवधी थप गर्ने ÷नगर्ने विषयमै मन्त्रीहरुका वीचमा छलफल चलेको थियो ।

प्रधानमन्त्री ओलीले अव सेवा अवधी थपका विषयमा कुनै निर्णय नहुने भन्द्र प्रक्रियागत रुपमा आईजिपिको प्रसताव ल्याउन गृृहमन्त्री रामवहादुर थापा र मुख्यसचिव लोकदर्शन रेग्मीलाई आग्रह गरेका थिए ।

प्रधानमन्त्रीको सोही निर्देशनका आधारमा आज गृहले नयाा आईजिपिको प्रस्ताव क्याविनेटमा लैजाने तयारी गरेको छ । क्याविनेट वैठक अहिले विहान ११ वजे प्रधानमन्त्री निवास वालुवाटारमा बस्दैछ ।  यही वैठकले नयाँ आईजिपिको निर्णय सरकारले लिदैछ ।

आईजिपिका लागि अहिले तीन जना प्रतिस्पर्धामा छन् । डिआईजीहरु प्रदेश १ का ठाकुर ज्ञवाली, सुदूरपश्चिम प्रदेशका तारिणीप्रसाद लम्साल र प्रहरी प्रधान कार्यालयका सूर्यप्रसाद उपाध्याय आईजिपि बन्ने दौडमा छन् ।

तर उनीहरुले पनि जम्माजम्मी साढे ५ महिनामात्र प्रहरीको कमाण्ड सम्हाल्न पाउनेछन् । कारण उनीहरु पनि अहिलेकै आईजिपि खनालकै वैकल्पिक ब्याजी हुन् । ३० वर्षे सेवा अवधी अुनसार उनीहरुले पनि असार २४ मै सेवावाट अवकास पाउनेछन् ।

प्रतिस्पर्धामा रहेकामध्ये वरियतामा क्रमशः ज्ञवाली, लम्साल र उपाध्याय छन् । यो वीचमा पनि सरकारले सेवा अवधी नबढाए उनीहरुले साढे ५ महिनापछि स्वतः अवकास लिनुपर्ने हुन्छ । छोटो अवधीका लागि महानिरीक्षक वन्ने उनीहरुको दौडपछि आउने वैकल्पिकमा भने

डीआईजीहरू शैलेश थापा, हरिबहादुर पाल, निरजबहादुर शाही, प्रद्युम्नकुमार कार्की र विश्वराज पोखरेल छन ।