काठमाडौं । प्रमुख प्रतिपक्ष कांग्रेसले अदालतमा पुगेको मुद्दामा संसद अवरुद्ध गरेर संविधानको उल्लंघन गरिरहेको छ । पार्टीका उपसभापति विजय गच्छेदारलाई भूमाफियासँग मिलेर सरकारी जग्गा हिनामिनाको आरोपमा अख्तियारले अदालतमा मुद्दा दर्ता गरेपछि उसले सडकदेखि सदनसम्म अवरोध पु-याउने काम गदै आइरहेको छ ।
कांग्रेसको यो कदमले उसकै पार्टीभित्रै आलोचना बढ्न थालेको छ । पूर्वसभामुख दमननाथ ढुंगानाले संवैधानिक अंगको निर्णयमा बिमति भए अदालत र जनतामा जानुपर्नेमा सदन अवरोध गरेर गल्ती गरिरहेको बताएका छन् ।
सामाजिक सन्जालमा उनले अख्तियारको निर्णयमा सदन अवरुद्द गर्ने कांग्रेस कदमबारे मेरो मत भन्दै ढुंगानाले यस्तो लेखेका छन्, ‘कांग्रेसले संसदीय प्रक्रिया र लोकतान्त्रिक तौरतरिकासँग अमिल्दो काम ग-यो । के अब मुद्दाको टुंगो नलाग्दासम्म संसद् अवरोध गरिरहने ? संवैधानिक अंगको निर्णयमा विमति भए अदालत र जनतामा जाने हो ।’
त्यसो त उसले संविधानको धारा १०५ को आफैँ उल्लंघन समेत गरिरहेको छ । उक्त धारामा नेपालको कुनै अदालतमा विचाराधीन मुद्दाहरुको सम्बन्धमा न्याय निरुपणमा प्रतिकुल असर पार्ने विषय तथा न्यायाधीसले कर्तव्य पालनाको सिलसिलामा गरेको न्यायिक कार्यका सम्बन्धमा संघीय संसदको कुनै सदनमा छलफल गरिने छैन । तर महाअभियोगको प्रस्तावमा छलफल गर्दा न्यायाधिसको आचरणको सम्बन्धमा कुनै कुरा व्यक्त गर्न यस धाराले बाधा पु-याएको मानिने छैन भनी उल्लेख गरिएको छ ।
(हेर्नुहोस संविधानको धारा १०५)
तर कांग्रेसले नियमतिजसो सदनको बैठक अवरोध गरेर यो संविधानको धाराको उल्लंघन गरिरहेको छ । आफूलाई प्रजातान्त्रिक पार्टी बताउने कांग्रेसले गरेको सदन अवरोधका कारण भोलि दिउँसो १ बजेसम्मलाई सदन स्थगित छ । सभामुख अग्निप्रसाद सापकोटाले यो विषय अदालतमा पुगेको र अदालतमा पुगेको विषयमा सदन अवरुद्ध नगर्न गरेको आग्रहलाई समेत कांग्रेसले अटेरी गर्दै आइरहेको छ ।
ललिता निवास प्रकरणमा संवैधानिक अंगका रुपमा रहेको अख्तियार दुरुपयोग अनुसन्धान अयोगले काग्रेसका उपसभापतिसमेत रहेका विजय गच्छेदारसहित १७५ जनाविरुद्ध मुद्दा दर्ता गराएको छ । सरकारी जग्गा भू–माफियासँग मिलेर मोही कायम गरी बिक्री वितरणमा संलग्न रहेको आरोपमा अख्तियारले गच्छेदारसहितलाई मुद्दा दर्ता गराएको हो ।
कांग्रेस संसदीय दलका उपनेतासमेत रहेका गच्छेदार मुद्दा दर्तासँगै सांसद पदबाट निलम्बन भइसकेका छन् । कांग्रेसले दलको बैठकबाटै सदन अवरोध गर्ने निर्णय गरेको थियो भने भातृ संस्थालाई सडकमा उतारेर विरोध प्रदर्शन गरिरहेको छ ।
प्रतिक्रिया दिनुहोस
सफल खबर संवाददाता
सोमबार, २७ माघ २०७६, १० : ४१
लेखकबाट थप
सम्बन्धित समाचारहरु
मुख्यमन्त्री कँडेललाई कांग्रेसले विश्वासको मत नदिने
लोकतन्त्रको विकल्प समुन्नत लोकतन्त्र नै हो : गगन थापा
वर्तमान सत्ता गठबन्धन माघ कट्दैन : गगन थापा
गण्डकी र सुदूरपश्चिममा प्रदेश प्रमुखले गैरकानूनी काम गरे : काँग्रेस
गण्डकीमा संसद बैठक बहिस्कार गर्ने कांग्रेसको निर्णय
काँग्रेस सांसद खड्काले कब्जा गरेको स्काउटको जग्गामा सिलबन्दी