सिरहामा बाख्रा बचाउँदा दुई जनाको मृत्यु

सिरहा । सडकमा हिँडेको बाख्रा बचाउँदा सिरहामा डिजे साउण्ड बोकेको ट्याक्टर दुर्घटना भएको छ । दुर्घटनामा दुई जनाको ज्यान गएको छ । पाँच जना घाइते भएका छन् । 

पूर्वपश्चिम राजमार्ग अन्तर्गत गोलबजार नगरपालिका ७ स्थित पुरानो चोहर्बा सडक खण्डमा स१त ६५६० नम्बरको ट्याक्टर दुर्घटना भएको सिरहा प्रहरीले जनाएको छ ।

दुर्घटनामा सिरहाकै लहान – १३ निवासी २१ बर्षीय सन्तोष कुमार यादव र धनगढी १२ निवासी २२ बर्षीय श्रीप्रसाद मण्डलको मृत्यु भएको छ ।